Nigeria vs South Africa live: Mokoena equalize afta Troost-Ekong ...

New Informate 18 minutes wey don pass

Nigeria go start dia semi-final Afcon game against South Africa without Sanusi Zaidu wey dey play shirt number 3 for di Super Eagles.

On Wednesday, 7 February, 2024, di Super Eagles of Nigeria get scores to settle wit di Bafana Bafana of South Africa.

Di match na a repeat of di 2000 semi-final wey see di Super Eagles beat di 1996 champions 2-0 for Lagos.

Di 2023 Afcon semi-final match go happun for di Bouake stadium by 6pm West African Time.

Many eyes dey ontop dis match for different reasons. For some Nigerians, dis match na part of di revenge dem wan give South Africa for di Grammy Award wey Tyla win.

For some South Africans na anoda opportunity to settle old scores wit Nigeria especially as dem dey try close di Afcon gap wey Nigeria and South Africa get.

Nigeria don win three Africa Cup of Nations title for 1980, 1994 and 2013 while South Africa don win only one for 1996.

Nigeria don qualify for World Cup six times, dia first appearance na for 1994 while South Africa don go 3 times and dia first appearance na for 1998.

Nigeria beat Angola 1-0 to qualify for di semis while South Africa beat Cape Verde 1-2 to penalties afta goalkeeper Ronwen Williams save four penalties.

Nigeria 4-2 South Africa (penalty shootout)

Nigeria win 4-2 for penalty.

Dis is football and e end well.

Nigeria don qualify for di Afcon final oooo

Iheanacho wan play im penalty for Nigeria oooo.... Goooalllllll

Nigeria don qualify oooo.

Mvala dey play im own penalty for South Africa. goooaaaalllll, Im score am.

Ekong to play im own penalty for Nigeria. Im don score oooooo.

Magkopa wan play penalty oo... Nwabali catch am ooooooo

Aina go play di penalty now oooo. Im play am wide over di post.

South Africa score dia first penalty goal.

Omeruo score for Nigeria again

Mokoena go play first South Africa game . Im miss am

Nigeria score first penalty.

Moffi go take di first penalty for Nigeria

Off to PENALTY shootout.

Blood Pressure don dey rise oooooo.

Second Half

Nigeria 1-1 South Africa

FINAL Whistle.

SUBSTITUTION- Omeruo in, Osayi out.

120 mins+1- 9man South Africa dey play ball oooo

2 minutes added time

120mins- Yellow card for Ekong of Nigeria.

118 mins- Nigeria dey get ball possession. Iheanacho give correct shot wey touch di opponent head go corner.

Iheanacho play free kick for di goalkeeper hand. Williams catch di ball for up.

SUBSTITUTION- Sibisi enta for South Africa.

116mins- Free kick for Nigeria as VAR decide make Kekana comot for pitch.

First Red Card of di game don go to Kekana of South Africa.

VAR dey check dis foul against Nigeria oooo.

110 mins- Which magic go happun like dis as di ball still dey hot. Yusuf dey do quality defence for now as Mokoena dey create chances.

SUBSTITUTION: Osimhen out.

107 mins- Di ball dey in play as both team dey find goal.

Corner for South Africa. Di defender head am out.

105 mins- Osimhen wan nod enta post as di second half od extra time bin start. Di ball go over di post.

Nigeria 1-1 South Africa

105mins- Extra time First Half don end ooo.

104mins- William catch di corner kick from Nigeria player.

102mins-Osimhen don pressure South Africa keeper ooo, di keeper run out of post but dia defender clear am.

SUBSTITUTION- Lookman out, Iheanacho in.

Onyeka don chop yello card oooo.

100mins- Osimhen try long shot for goal, but di goal keeper catch am oooo....

99mins- Bassey stand well well for Nigeria. Corner for South Africa.

96mins- Osimhen collect ball but nobody to pass to.

94mins- South Africa dey keep dia possession as Nigeria dey try play defence wella.

Lookman play di free kick but e no too hard for di post.

Osimhen don fall for ground oooo. Na Sithole kick am.

92mins- Lookman bin fire shot but Williams push am away... South Africa dey try keep di ball in dia possession.

90mins+- Free kick for South Africa.

Extra time don begin ooooooo.

Final Whistle. dem go play extra time oooo.

Nigeria 1-1 South Africa

90mins+6- Yeeeeeeeeeeeeeeeeeeeeee, Mokoena wan bend Nwabali back with free kick shot ooooooo. But Nwabali punch am

90mins+4- Free kick for South Africa

Haaaaaaaa, dis pressure no be for here ooooooooo. South Africa dey hot now oooooooo

Pressure don dey as we dey enta final whistle time.

Nigeria 1-1 South Africa

6mins added time

Mokoena put di ball behind Nwabali.

88mins- GOOOAAAALLLLL. South Africa equalise oooo.

Penalty for South Africa

Dem cancel Osimhen goal ooooo

Osimhen don score

83mins- Yeeeeeeeeee, Lookman don go miss chance ooooo. Why lookman go do dis kain thing for post.

82mins- Modiba wan dey do anyhow but Nwabali no allow am.

Free kick for Nigeria as Aina chop foul.

78mins- Goalkeeper Nwabali punch di free kick.

Be like say Nwabali go need help ooooo, im dey roll for ground afta dem use hand tap im stomach.

Nigeria 1-0 South Africa

77mins- COOLING BREAK. Di match dey hot ooooo.

74mins- What hot shot from Makgopa. But e go near di post.

72mins- Game don change oooooo. Nigeria no dey gree for front again. South Africa dey try make changes to dia team.

70mins- Anoda free kick for Nigeria. Lookman play di kick. Nigeria dey in control.

68mins- South Africa mind no touch ground again ooooooo.. Pressure don dey....

66mins- GOOOOOAAAAAAAAAAAAAAAAALLLLLL

Dem no born Williams make e catch di ball.

Troost-Ekong score for Nigeria from penalty.

63mins- PENALTYYYYYYYYY. Osimhen fall for box 18. Penalty for Nigeria.

61mins- SUBSTITUTION

Yusuf, di engine man don enta

Iwobi out, Chukwueze don enta

60mins- Simon pass ball give opponent,

Onyekaaaaaaaa. Why you go fire ball go wide over di post.

Zwane don fall oooooooo, but referee say play on.

Tau dey threaten Nigeria midfielder oooo, but dem no gree for am too.

58mins- South Africa get free kick from Osimhen foul.

South Africa still dey put more pressure for Nigeria goal post and Nigeria dey do dia own revenge too wit goal attempts.

56mins- Osimheeeeeeeennnnn, his header dey too much. Im nod di ball over di post.

Lookman find Osimhen.

Be like say Nigeria dey warm up for substitutes oooo.

54mins- Corner for Nigeria. Simon dey put pressure.

52mins- Haaaaaa, Aina don use better body knock down Tau for box 18 ooo but refere no blow since na contest for ball.

Di two teams still dey find goal ooooo...

Nigeria 0-0 South Africa

50mins- Nwabali save Nigeria from counter attack ooo. Im comot for post come play di ball go throw-in.

Corner for Nigeria but e fly pass over di players.

Lookman dey get better chance but nobody dey show for am to score ooooo

48mins- Eewwooooo, Ekong stop one counter attack wey go don put Nigeria for trouble.

46 mins- Lookman give one dramatic dribble but Iwobi no create magic wit di chance.

Osimhen bin fall for inside box 18 but referee no blow. Iwobi lose ball give opponent again oooo.

Di SECOND HALF don start. Di energy from both team dey boil.

Nigeria 0-0 South Africa

45mins+2- HALF TIME don End

2 mins added time

45mins-Modiba and Zwane dey try creat magic for di front. Mokoena stil waste di ball go goal kick.

Simon no allow make any South Africa player pass am oooo.. But South Africa still dey apply pressure..

43mins- Osimhennnnnnnnnnnnnnn, but di header no too strong for di post.

Aina give ogbonge pass from di angle. Na corner to Nigeria.

41mins- South Africa dey try but Nigeria no too gree. Williams punch out long throw from di Nigeria player.

39mins- Nigeria dey give too much space for South Africa and e dangerous.

Corner for South Africa. Nwabali punch am again.

Nwabali don save long shot from Makgopa. Na small remain make e enta net oooooo

37 mins- Kaiiii, Iwobi try di net wit shot but Williams stop am. E for give di pass to Osimhen to shoot.

Nigeria 0-0 South Africa

35mins- Yeeeeeeee, South Africa almost test di net wit goal but Nwabali stand gidigba. Tau dey try shake Nigeria net oooooooo.

CORNER for South Africa. Sithole head di ball go goal kick Osayi push di ball go corner to save di net.

32mins- Game don resume back.

As di pressure dey increase, referee don blow COOLING BREAK.

South Africa get possesion pass Nigeria.

Kaiiiiiiiiiiiiii, na small remain make Osimhen get clear chance to face Williams for di goal post but e no go through.

Mokoena don chop hard tackle from Onyeka.

27mins- Free Kick for South Africa as Sithole bin fall from one small push.

Pressure dey di Nigeria net but Nwabali neva looseguard. South Africa don dey get attempts pass Nigeria.

24mins- Anoda block by Onyeka. But be like say di ball touch Bassey hand but referee no blow penalty sake of sake say im hand dey im body and e no move.

Zwane dey threaten di goal net of Nigeria as e make some moves enta di box 18 but Ajayi clear di ball comot.

Nigeria 0-0 South Africa

21mins- Williams catch di ball as di shot no too strong to enta.

Ajayi and Onyeka dey do some drama for di middle wit complete pass.

Mokoena give long pass but di flag go up.

Nigeria get FREE KICK as Onyeka fall for ground afta foul attack. Lookman and Aina stand to play di free kick as Osimhen dey position.

18mins- South africa don get FREE KICK. Makgopa dey threaten di defenders.

17 mins- Anoda chance for South Africa but Nigeria defender no gree.

Simon don carry ball go throw-in ooo.

15mins- Nwabali stop one ogbonge shot wey South Africa fire for im front as di Bafana dey stretch into di net of Nigeria.

13mins- Di ball almost enta South Africa net from one long shot from Aina. Osimhen head no touch di ball.

11mins- South Africa player enta off-side.

9 mins- Iwobi try give correct pass go forward but Osayi no quick control am.

South Africa get goal-kick as Simon no catch di pass wey dem give am. Di South Africa dey also try keep di ball.

7 mins- Ajayi dey feed di forward wit correct pass but be like say e too long for dem to catch.

Aina do one throw-in for Nigeria.

5 min- Di Bafana Bafana striker try enta Nigeria goal line but Nwabali dey for di post to stop am.

3 mins- Nigeria bin dey enta di goal line of di Bafana Bafana but dem neva shoot yet.

Di South Africa team dey also apply some pressure.

Osimhen bin get small issue but im don stand back to kontinue di match

Nigeria 0-0 South Africa

1min: KICK OFF

Nigeria starting 11: Nwabali, Ekong, Ajayi, Bassey, Aina, Onyeka, Iwobi, Osayi-Samuel, Lookman, Simon, Osimhen

South Africa starting 11: Williams; Mvala, Xulu, Kekana, Modiba, Sithole, Mokoena, Zwane, Mudau, Tau, Makgopa.